O se suesuega ua faalauiloa e le Flinders University ua iloa ai o taimi e maualuga ai le toto o le tagata aemaise lava i le itupa o alii e tino puta, overweight middleaged men, o taimi e lusi ai le itula e moe ai pe suia foi le taimi e masani ai ona faia se malologa i le po.
O le suesuega sa silasila ai i faamaumauga e moe ai le tagata ma sa aofia ai tagata mai vaega eseese o le lalolagi e 12,287 na auai ai.
Mai ia i latou na faia iai le suesuega o le 88 pasene o alii ma ua maua ai i faamaumauga e iai se sootaga o le lē lava o le malolo ma le maualuga o le toto.
Fai mai i latou na faatautaiaina le suesuega e le gata ina tatau ona mataituina le umi o le moe ae tatau foi ona faatumau pea le taimi e masani ona moe ai ma faia ai suesuega.
Ua faailoa foi o le fesuisuiai soo o taimi e moe ai i le silia ma le 30 minute e iai foi lona sootaga i le siitia i le 32 pasene o le maualuga o le lamatiaga i le toto.
