E lata i le 150 afe aiga o le a maua se faasiliga e $50 tālā i le vaiaso e fesoasoani ai i mafatiaga mai le taugatā o le penisini ona o le taua i Sasa’e Tutotonu.
O le saunoaga a le minisita o Tupe, Nicola Willis na faia i se fonotaga ma le ‘aufaasalalau, na faailoa ai lea tulaga, o se tasi lea vaega mo le Working for Families scheme.
O loo lipotia e le RNZ o lona uiga e na o aiga e itiiti aga’i i le feoloolo le tamaoaiga maua ma iai tamaiti, o le a faamanuiaina i lea fuafuaga e lē aofia ai i latou e penefiti ma e leai ni fanau.
E tausaga atoa o le a maua ai lea fesoasoani ia pe se’i vaganā foi ua toe alu i lalo le tau o le penisini 91 mo ni vaiaso sosoo se 4.
Ua faailoa pe ā ma le 373 miliona le tupe o le a faaalu ai i lea fuafuaga pe itiiiti ifo foi pe afai ae vave faamutaina.
Puna o Faamatalaga: https://www.rnz.co.nz/news/political/590472/fuel-crisis-package-nearly-150-000-families-to-receive-50-a-week
