O se suesuega a le Pentagon a Amerika sa faia ua iloa ai e maualuga le aofai o tagata ua aafia i le kanesa i pailate o le militeli ma mo le uluai taimi ua faailoa mai ai o le aufaigaluega o loo latou utu vaalele ma galulue i tofiga ia o le tausia o le lelei o vaalele o nisi ia o loo faaauau pea ona gasegase. 

O faamatalaga ua faamatuu mai i lenei lipoti e faapea, ua sailia e pailate ua litaea mai le militeli ma ua lāgā ni o latou manatu ona o le toatele o le aufaigaluega ua gasegase i le kanesa. 

Na faailoa iai faamatalaga faapea o suesuega sa muai faia ua iloa ai o loo tele le avanoa e maua ai i latou ia i le gasegase nai lo lautele o le atunuu.

Fai mai o le suesuega na faia mo le tausaga atoa toeititi 900 afe o sui sa iai i nei auaunaga ua iloa i suesuega o le 87 pasene o le ituaiga gasegase o le melanoma e aafia ai tagata ma 39 pasene ua maualuga ai le aafia i le kanesa e aofia ai le fa’aī tulou.

O lea la ua faailo mai e le Pentagon o lenei suesuega o se tasi o suesuega aupito tele ua faia ma faigata foi lona faatinoina ae e iai lona aogā tele ia vave ona faailoa ma fesootai ia vave ai foi ona faaaoga ia faamaumauga mo le vave sailia poo le faamaoniaina pe ua aafia i le kanesa ae vave fai iai se togafitiga.