O le alii e 62 tausaga lea na molia i le fasioti tagata paivalea i lana paaga ma le tamaititi 10 tausaga sa malelemo i le Manukau Harbour ua faailoa lona suafa i le aso ananafi ina a aveesea le poloaiga sa faasā ai e le faamasinoga.
O ia lea o Kevin McQuire na tulai mo le uluai taimi i le faamasinoga maualuga i Aukiani i le vaiaso nei e tali i ona moliaga.
O le faalavelave lea na tupu ia Novema o le tausaga talu ai na maliliu ai le paaga a McQuire le tamaitai o Gemma Ferregel ma lana tama 10 tausaga o Ryder sa leiloloa i le sami ma talitonuina ua maliliu.
O lea ua faatulaga e le faamasino le mataupu lea e amata lona fofogaina i le faamasinoga i le masina o Iulai o le tausaga fou.
O le vaa a McQuire na sa’e ina ua aafia i galu, faasaoina mai McQuire ma nisi na iai i luga o le vaa ae leiloloa ai si tamaitai o Gemma ma si ana tama 10 tausaga.
