Atonu ua maua sina mapusaga mo tagata femalagaa’i i trains i le vaiaso nei ina ua tau iai se to’a i solo tetee sa faagasolo a le aufaigaluega ina ua faasāina ona toe faia ni solo tetee mo le fā masina se’ia aulia Iulai.
O le faai’uga lea ua faamatuu ane e le Fair Work Commission i le mataupu a le faigamalo a le Setete ma le Iuni o tagata faigaluega i trains, ma o le a taofia lē tumau ai le faia o solo tetee ae tuu ai le taimi e fai ai pea feutana’iga i le va o itu e lua e faatatau i se maliega i totogi.
O lona uiga o le a lē toe feagai tagata femalagaa’i ma ni solo tetee mai le taimi nei se’ia oo i le aso 1 o Iulai.
Pe ā ma le 13 afe pe a itiiti mai, le aofa’i o tagata faigaluega i trains o loo aofia i solo tetee ma le faamoemoe ia vave ia ona maua se tali o le mataupu o loo finau ai nei.
Puna o Faamatalaga: https://7news.com.au/news/sydney-train-disruptions-ease-as-industrial-action-banned-until-june-c-17779358
