E toa 8 artists a le Pasefika i Niu SIla ua amanaia aloaia lo latou sao i le tausaga nei i Pasifika Arts Awards. Sa faalauiloa i le Aso Gafua o le vaiaso nei i latou ua faamanuiaina ma o faailoga nei ua amanaia ai i latou e tupuga mai le Pasefika o loo ua tuuina le latou sao e le gata i tulaga tau faafiafiaga ae faapea foi i le tomai tau tusiata ma tusitala.
O le faailoga o le Senior Pacific Artist lea e iai le faailogatupe e 25 afe na maua e le tusiata o Fatu Feuu mai Aukilani mo lona sao o se taitai i le Pacific Arts Community.
Fai mai Caren Rangi o le taitaifono o le Arts Council a Niu Sila, e masani lava ona saunoa Fatu o le faa-Samoa o le elemeni lea e na te tuufaatasia mea uma o loo ia faia.
O le Pacific Heritage Arts award ua manumalo ai le tusisolo mai FIti ma Niu Sila o Karen Kamali ma le isi o Kulimoeanga Stone Maka na ia maua le Pacific Contemporary Artist Award.
O le faamatala tala o Ululau Ama na manumalo i le Pacific Toa Award, tusitala o Faamoana John Luafutu ma Troy Tuua na avea ma faatonu o le series, Dawn Raids, aemaise Dahlia Malaeulu na manumalo i le Emerging Pacific Artist award ma le faipese Joshua Pearson na manumalo i le Iosefa Enari Memorial Award.
O le 1996 na amata faatino mai ai le Pasifika Arts Awards i totonu o Niu Sila.
