Ua faalauiloa i le asō finalists poo i latou o le a faia iai le faaiuga mo lē o le a manumalo i le faailoga o le APRA Silver Scroll lea e amanaia ai le au tusipese ma faipese a le atunuu.
E le gata i lea ae o le faailoga o le APRA Maioha Award lea e amanaia ai tusipese o loo faamatala a latou tala i le gagana Maoli.
O Bic Runga se tasi o tagata faafiafia a Niu Sila sa ia manumaloina le faailgoa lea i tausaga ua tea ma o loo avea foi ma tusitala ma faatonu o le APRA NZ ua ia faailoa i le RNZ o le lisi o i latou ua filifilia mai mo ia faailoga ua faaopoopo pea i tausaga taitasi.
Fai mai a ia o le palotaina o le pese aupito sili a Aotearoa e le o se galuega faigofie mo sui o le APRA auā e iai itu tāua e ao ona silasila iai e pei o upu, le ituaiga musika o loo faaaoga, le malosi o le pese ma lona aotelega ma o le silasila ai i musika sa faaulu i lenei tausaga ua iloa ai o loo i se tulaga lelei le itu tau tusipese i totonu o Niu Sila.
O ē o le a faamanuiaina i nei faailoga o le a faalauiloa aloaia i le aso 4 o Oketopa i le Spark Arena i Aukilani.
