E toatolu i latou o fomai ma tele le tomai i tulaga tau le soifua maloloina ua o latou lapatai mai I se faatalanoaga I luga o le Breakfast show a le Televise Niu Sila, e faapea o le faamamaina o aiaiga o vavao i le lapataiga vaega tolu o loo iai nei ao iai pea tagata o loo aafia I le komiuniti, o le a o’o ai nisi o loo I tulaga maaleale I se tulaga lamatia.
O ananafi na folasia mai ai e le palemia Jacinda Adern fuafuaga e tolu ona vaega mo le aveesea mai o Aukilani mai le vavao ae ua saunoa le Immunologist, Dr Dianna Sika Paotonu, ua vave tele ona faamama aiaiga o le vavao. O lona manatu e tatau ona faatali le malo seia oo ina maualuga se aofaiga o tagata ua faia tui puipui ma o le finagalo foi lea o leisi fomai Dr Siouxie Wiles.
E manatu Paotonu o le toatele o tamaiti aemaise tagata e faigata ona oo isi auaunaga o le a iai ise tulaga lamatia pe a faatino lea tulaga aua e lei oo iai le faiga o tui puipui. Fai mai nei fomai e ao lava I le malo ona faaauau pea ona galulue I le tulaga o tui puipui ia siitia pea le aofai o tagata e puipuia.
O Professor Shaun Hendy na ia faailoa I lea lava lipoti e ono siitia le aofai o tagata e aafiai lefaamai I Aukilani ona ole a tele le avanoa fesootai ai tagata mae tatau foi ona faamasani tagata e soifua male silafia o loo iai le vairusi I le komiuniti ma o le a umi se taimi e iai.
