E lē o iai se faamatalaga o faia i le taimi nei a le minisita o puipuiga e faatatau i se inisiua o loo kava ai le vaa na faaletonu i gataifale o Samoa, le HMNZS Manawanui.
Fai mai lipoti o le vaa lea e $100 miliona lona tau ua magoto i le itu i Saute o gataifale o Upolu ma e 75 le auvaa sa iai i luga o loo saogalemu uma.
Ua faailoa e Judith Collins le tamaitai minisita o vaa ia a le Navy e leai ni inisiua e toe suia ai, replacement insurance ae na te lē o fia auiliili le faamatalaina o tulaga faapea mo le vaa na aafia ona o le popolega i nisi o faamatalaga ma’ale’ale tau inisiua.
Pau le faamatalaga a le minisita ua agiga i lipoti i lenei vaiaso e mana’omia le silasila o le malo pe mafai ona toe suia le vaa ua aafia pe leai foi.
Na saunoa lē sa avea muamua ma minisita o le puipuiga, Ron Mark, ua lagona lona faanoanoa ona o lana vaa lea sa faatauina i le taimi o tula’i mai i le tofi ma sa faatau mai Norway ma sa faatau ma le iloa e lē o se vaatau, o se vaa e faaaogā i su’esu’ega faapisinisi ma e iai lava tulaga lamatia e silafia i ituaiga vaa ia ae lei mafaufauina o le a oo i se tulaga faapea e pei ona iai i le taimi nei.
O le faamatalaga a Collins i le RNZ o le taimi nei afai e iai se suāuu o masaa o lona uiga o le malo o Niu Sila o le a feagai ma tulaga tau tupe e faatino ai tulaga e ao ona fai.
O le faatalanoaga a le Sui Palemia o Samoa i le mataupu lea na ta’ua ai e Tuala Iosefo Ponifasio e ono iai se suāuu e masaa mai le vaa ma o loo su’esu’e nei lea tulaga.
Puna o Faamatalaga: https://www.rnz.co.nz/news/national/530004/it-s-my-ship-and-i-m-gutted-former-minister-ron-mark-on-manawanui-sinking
