E toafā tama o le aulakapi taitoafitu a le Manu Samoa ua lē mafai ona taaalo mo le ‘au i le taamilosaga i Hong Kong, ona o le susuga Vaovasa Afa Su’a o loo gasegase, ae o alii e toatolu o Steve Onosa’i, Paul Scanlan, ma Taunuu Niulevaea o loo aafia i ni manu’aga mai vae o le taamilosaga ua mae’a sa faia i Kanata ma Los Angeles i Amerika.
E ui ina faamanu’alia nisi ae faagasegasea se tasi o le ‘au ma ua le filifilia ai mo le vae o le taamilosaga i Hong Kong ae ua faailoa e le faiaoga Ulu le afioga Muliagatele Fata Brian Lima ma le pulega, ua iai se isi faaopoopoga lelei i le ‘au ua fili e pei ona aofia se tasi o tama fanau a le atunuu i le ‘au mo le taimi muamua o ia lea o Jeff Levy mai Vaimoso.
Ua toe taliu atu foi i le ‘au Tuna Tuitama mai le Laumua o Tumua i Afega, lea sa taalo i le ‘au a le Moana Pasefika ae ua avanoa ona taalo mo le tatou autaitoafitu.
Ua toe faapena foi ona faatasi atu i le ‘au le susuga Malakesi Masefau.
O le amataga o lenei vaiaso na faailoa ai e le faiaoga ulu ma le pulega suafa o tama ua filifilia mo le taamilosaga i Hong Kong ma ua aofia ai:
1 UAINA TUI SIONE – Tama Uli Salelologa Faala Palauli & Saleimoa
2 MOTU OPETAI – Siumu & Leauvaa
3 DAN PATELESIO – Marist St Joseph’s Tufulele & Fusi Saoluafata
4 FAAFOI FALANIKO – Tepatasi Lotopue & Salelesi
5 JEFF LEVY – Vaimoso & Mulifanua
6 MALAKESI MASEFAU – Tepatasi Malaela & Lotopue
7 BJ TELEFONI LIMA – Marist St. Joseph’s Letogo & Sapunaoa
8 DES SEPULONA FAOA – Tama Uli Salelologa Tuanai & Faleula
9 TOM MAIAVA – Marist St Joseph’s Salailua & Sinamoga
10 NEUELI LEITUFIA – Laulii Lions Laulii & Sapapalii
11 ELISAPETA ALOFIPO – Tama Uli Salelologa Saleaula & Salelologa
12 TUNA TUITAMA – Laumua o Tumua Afega Mulifanua & Faleasiu
13 PAUL ETI ALESANA-SLATER – Laulii Lions Lalomalava & Laulii
Faiaoga ma le Pulega
1 MULIAGATELE FATA BRIAN LIMA – Head Coach Letogo, Afega & Avao
2 TAUSA FAAMOE FAAMAONI LALOMILO – Assistant Coach Safotu, Falefa, Leusoalii & Sinamoga
3 TUALA LEAEGA PAT LEOTA – Team Manager Leauvaa, Lotofaga, Faleula, Gautavai & Sili
4 JUNIOR NARAYAN – Analyst Poutasi Falealili, Vaivase & Sinamoga
5 NATHEN FOULAGI – Physiotherapist Fasitoo Tai
O le tatou ‘au o loo i le Pulu C ma o le a taaalo i le taamilosaga i Hong Kong i le faaiuga o le vaiaso nei ma ‘au a Aferika i Saute, Sepania ma Aielani.
O le Pulu A o loo iai ‘au a Farani, Fiti, Ausetalia ma Kanata.
O le Pule B o le a taaalo ai ‘au a Niu Sila, Amerika, Argentina ma Peretania.
