Ua tuuina mai nei e le Auaunaga o le Soifua Malōlõina le lisi o nofoaga ua manatu le auaunaga o itu na amata pepesi ai le faama’i o le misela, i totonu o le 3 o aso, (exposed sites).
I le faaitu o Nelson ua faamaonia o le Victus Café i Bridge Street i taimi o le va o le 6 i le taeao aga’i i le 4 i le afiafi, o le Aso Lulu 15 o Oketopa.
O le Aso Tofi 16 o Oketopa mai le 6 i le taeao aga’i i le 3:30 ma le Aso Faraile 17 o Oketopa mai 6 i le taeao aga’i i le 1.30 i le aoauli.
E pei o taimi ia i lea faaitu na na iai lea tagata ma ua lamatia ai le to’atele sa iai i ia taimi.
Ma ua fautuaina ē na iai i lea fale’aiga ina ia māta’itūina tulaga o o latou soifua mālōlōina ma ia faafesoota’i ane le Healthline.
O faleui (tulou) i Kirby Lane ma le faleoloa o le New World i Gloucester Street o nisi o nofoaga o loo i Nelson lava ua faamaonia nei e le auaunaga.
O loo tuuina mai le Bluebridge Ferries mai le va o le 2 aga’i i le 5:30 i le afiafi o le aso 3 o Oketopa, e ui o loo tau faamautū poo lea e uiga i vaa la’upasese poo le auala e malaga ese atu ai – (Picton terminal).
O Manawatū, Aukilani ma Nelson o faaitu na ua faamaonia ai le maua o tagata ua aafia i le faama’i o le misela, ma ua lapata’ia e le soifua mālōlōina le mamalu lautele ina ia māta’itūina lelei tulaga uma o lenei faama’i, o āuga e aofia ai le tale, fiva, tafe o le isu, ma le mūmū o mata.
Ua fautuaina foi afai o iai ni āuga o le misela ua faalogoina, ona mālōlō lelei lea i le fale ma valaau le foma’i mo se fesoasoani.
Puna o Faamatalaga: https://www.rnz.co.nz/news/national/576718/locations-of-interest-in-measles-outbreak-named
