E iai pisinisi i Samoa ua molimauina e le Pule Faatonu le afioga Gisa Lematua Tagaloa a Taoa Fuatai Purcell, o loo latou faatau solitulafono oloa tau masini faatekonolosi e pei o telefoni feavea’i, masini komepiuta o le ituaiga laiti o laptops, walkie talkie ma meapu’eata faalele poo drones.
Ua faaalia e le Pule Faatonu o soo se oloa faapea e tatau ona iai se faailoilo poo se sign e ta’u mai ai ua talia pe ua approve lona faaulufaleina mai, ma ua faatagaina ona faaaogā i totonu o se atunuu e pei o Samoa.
E lē o faailoaina e Gisa poo ā pisinisi ia ua latou faatau faasolitulafono ia oloa tau masini faatekonolosi, ae ua ave lana fautuaga i le tatau ona avatu o ia masini i le ofisa o le Pule Faatonu faatasi ai ma pepa o faamauauga o iai faamatalaga e faatatau i ia masini, mo le maua ai o le faatagaga e tusa o aiaiga o le Tulafono o Fesoota’iga o le tausaga e 2005.eee
Faaalia e le Pule Faatonu o le lē tausisia o aiaiga o lea tulafono e mafai ai ona faasala tupe se pisinisi pe o le tapunia loa ē toe faagaioia.
