O se kulupu e lagolagoina e Saina na o latou solia aiaiga o sootaga poo le NZ Parliamentary Network i le 2021 e pei ona faailoa i se folasaga a le minisita e feagai ma le ofisa lea o le GCSB, Judith Collins.
I se faamatalaga sa faailoa e le minisita i le aso ananafi ua faailoa ai lea tulaga ina ua mae’a foi ona faailoa e le United Kingdom nisi faamatalaga e faatatau i se kulupu foi mai Beijing na taulai atu ni a latou gaioiga i le latou komisi o faigapalota.
Fai mai Collins ua iai sootaga ua maitauina i mataupu ia e lua ma ua galulue ai i latou e iai le tomai i Niu Sila nei e aveesea ia tulaga.
Fai mai le minisita o nei networks e aofia ai faamatalaga tāua tele e aofia ai le faagaioia o le malo o Niu sila ma e tāua tele le puipuia malu.
Ua faailoa foi e Collins o loo tutu faatasi foi Niu Sila ma le United Kingdom e tetee atu i ia faiga.
