O i latou e laititi tupe maua o le a maua sina mapusaga faaopoopo mai lafoga e totogi ina ua faailoa nisi o suiga i le asō i le medicare levy.
Ua folafola mai nei e le malo le suia o le threshold e manaomia ona totogi e le au totogi lafoga ina ia totogi ai na o le 2 pasene o le levy.
O le a siitia la le threshold i le 7.1 pasene ia ogatasi ai ma le inflation.
O se tasi lenei o suiga ua faailoa faatasi mai ma le suiga i le faiga o lafoga totogi lea ua gausia ai folafolaga a le faigamalo o iai nei sa faia i le taimi o le palota e uiga i le taofia pea o Stage 3 cuts.
I lalo la o ia folafolaga fou e foliga mai o le a maua ai e le tagata e toatasi e 30 afe le totogi le $172.40 sene ua sili atu ai nai lo le tausaga talu ai.
O lona uiga i lalo o ia suiga o le tagata Ausetalia afai e lē agavaa i le lē totogia o se medicare levy, o le a itiiti atu lava lana tupe e totogi mo le tax.
