Ua lipotia le faalauiloa e Ausetalia ma Kanata o le a faaopoopo sootaga tau le puipuiga ma e lē ioeina nisi o mau a Saina i ogasami o loo tulai ai ni feeseeseaiga i le Indo Pacific.
Fai mai le 9News o le minisita o le Puipuiga a Ausetalia, Richard Marles na saunoa i lea mataupu mai Vancouver ma ia ta’ua ai o atunuu e lua o Ausetalia ma Kanata e manaomia ona galulue faatasi e faamautu le tulaga mautu o lea itulagi.
O Marles ma le minisita foi o le va i fafo a Kanata, Bill Blair ua tuuina faatasi ane sa la pepa o faamatalaga e faailoa ai popolega i le mataupu ua o la faamatalaina o le faaulufale o claims a Beijing i le South China Sea aemaise gaioiga faamiliteli a Saina e lata i Taiwan.
Faailoa foi popolega o atunuu e lua i gaioiga a Saina e faatatau i se vaa mai le Atu Filipaina i se vaega o le South China Sea lea sa agiga ai ni popolega i le amataga o le tausaga i se vevesi e ono tulai e aofia ai ma le malo tele o Amerika.
O le minisita o Marles na agai ane i Kanata mai Amerika i le vaiaso nei i le mae’a ona faalauiloa o le a amata fausia auupega fai faatasi ma Amerika i le tausaga fou.
Puna o Faamatalaga: https://www.9news.com.au/national/australia-and-canada-signal-closer-defence-ties-concern-about-china/d704e19b-92b3-46ea-9a13-0b4f765706d4
