E ono foliga ua latalata mai ona pulea e nisi tagata ni fale fou ona o se faiga ua faailoa mai e le faigamalo o iai nei o le a faalautele mai le Home Guarantee Scheme poo le HGS ia talitali ai le tulaga o iai le manaoga mo fale i Ausetalia.

O se tasi o suiga ua lipotia i le 9News o le faataga lea o se faigauo ma se aiga e auaufaatasi e faatau se fale.

Na faailoa e le minisita o mataupu tau fale, Julie Collins o fesuiaiga ua faia ina ia ogatasi ma le taimi ma tulaga o iai i lenei vaitau.

Saunoa le minisita o le faiga ua faia ia faalautele ai le tulaga agavaa o tagata mo le faatauina o se fale ma o le latou foi fesoasoani lea o le sailia o ni fale mautu.