Ua faaalia manino nei e le ta’ita’i o le pou a leoleo i Taranaki – Acting Area Commander, Darin Haenga, lo latou toe tuuina mai ai o se faamanatu i avetaavale uma, e lē tatau lava ona tagofia le foeuli o le taavale pe afai o loo faasuā’avā ma tagofia foi ni fualaau faasāina.
Ua tuuina mai lea faamanatu talu ai o latou popolega i le faatupula’ia o le numera o avetaavale e maua i luga o le auala o loo tauaveina taavale ‘onanā e pei ona o latou maua a o faatino a latou poloka ma iloiloga.
Ua faamaonia e leoleo e maua lelei le to’aluasefulu o avetaavale na maua i luga o auala o faia lea tulaga i le faai’uga o le la vaiaso.
Ma ua faaalia e malu o le malo le moomia ona utagia e tagata lautele, o avetaavale uma i le lē saogalemu tele o gaioiga nei ma e oo lava ina aafia ai pe a faaauau ai pea.
Ua ta’ua o le to’atele o i latou nei ua matua’i ova lava le faasuā’avā, e pei ona faamauina ua pasi ma le numera faatapulaa o le tagofia ai o le ‘avamalosi.
O nisi o tagata e faapea e pasi ma le 4000 micrograms per litre of breath o le iunite faatulagaina pea feula le paluni mo ē aveina taavale, ma o se numera maualuga tele lea.
Ua faamanino foi e leoleo, o i latou uma lava na maua i le faai’uga o le la vaiaso talu ai ua faatino iai le latou pitolaau, o nisi ua tuuina atu iai faasalaga poo infringement offence notices) ae o isi ua tuuina iai pepa samani e tula’i i luma o le faamasinoga.
Puna o Faamatalaga: https://www.facebook.com/share/p/17KWYNGoBm/
