O le asō ua folafola ai e le Palemia o Ausetalia o Anthony Albanese le faaigoaina o se nofoaga fou i le ogatotonu o Sini i le tupu tamaitai o Elisapeta ua tuumalo. 

O lea nofoaga e i Macquarie St i le aai i Sini i le itu i Matu o le taulaga faatau ma o le a faaigoaina o le Queen Elizabeth II Place ma e faamanatu ai le taimi umi o lana nofoaiga. 

Fai mai le Palemia o se poloketi o le a faamautinoa ai le manatua pea o Kuini Elisapeta ma ua ia manatu o le faia o lenei faatatau o se faaiuga ma se faaaloalo ua talafeagai.