I le maea ai o le masina talu ona pa’ulia le vaa o le Nafanua II i le ‘aau i le agai lea i le uafu i Salelologa o lea ua mafai ona toso ese lea vaa leoleo.
Na molimauina lea gaioiga e le mamalu o le atunuu i le motu tele i Salafai i le Aso Tofi ina ua toso ese mai lenei vaa leoleo ma ua taula nei i tua o le uafu i Salelologa.
O le vaiaso nei lea e fuafua e tuuina atu ai lenei vaa o Ausetalia mo le toe faaleleia. E pei ona silafia e $30 miliona tala le tau aofai o lea vaa leoleo na tuuina mai e Ausetalia e fesoasoani i galuega faaleoleo a malu o le malo a le atunuu.
E lei mafai ona tuuina mai se faamatalaga mai le Minisita o Leoleo i le tulaga ua iai lenei gaioiga peitai ua ripotia mai o loo iai se au malaga mai Ausetalia o loo galulue faatasi ma sui o Samoa i le faatinoga o lea galuega.
Taua foi e le Sui Komesina o Leoleo Auapaau Logoitino Filipo afai ae sologa lelei le faatinoga L fuafuaga i le vaa leoleo o le a tuua Samoa mo Ausetalia i se aso o le vaiaso nei.
Na tuuina atu foi se faasilasilaga a le Vaega o Faalavelave Faafuasei ina ia tautuanā e faaavanoa le vaega i matu o le uafu i Salelologa aua galuega faatino o fuafuaga lea i le agai atu i Ausetalia.
