O le Aso Lua o le vaiaso nei e pei ona faailoa ai e le kamupani telefoni o le Vodafone i Samoa, na amata faagasolo ai le tauvaga tausala o le Miss Global lea o loo tausinio le alo tamaitai o le atunuu sa tauaveina le pale o le tausala o Samoa le tamaitai o Haylani Pearl Mataupu Kuruppu.
O Novema o le tausaga na tea nei na amata ai polokalame o lea tauvaga, ae o lea ua faaauau i le masina amata o lenei tausaga fou e pei ona faagasolo i le atunuu o Cambodia, ae faaiu atu i le atunuu o Vietnam.
Na filifilia e le kamupani o le Vodafone le tamaitai o Haylani e avea ma sui tauva o Samoa mo lea tauvaga tele faavaomalo, ina ua mae’a le tausaga na tauave ai e Haylani le pale o le Tausala o Samoa.
