I le faamanatuina ai o le 50 tausaga o le Polyfest i le vaiaso talu ai sa auai ai le Palemia o Niu Sila Christopher Luxon, ua faailoa i le asō i lipoti mai le RNZ ua iai ma se valaau mo le malo ina ia inivesi i lea faaaliga tele o tu ma aganuu i Aotearoa.
Na ta’ua i le lipoti ua tutū faatasi ai ta’ita’i faalea’oa’oga, faaleaganuu ma komiuniti e tuuina atu lea valaau i le Palemia fofogaina e le faatonu o le Polyfest, Seiuli Terri Leo Mau’u, fai mai a ia e mana’omia ona faatumauina le faatupeina o lenei faamoemoe ma iai sona nofoaga mautū mo le manuia o le faaaliga aemaise nisi faaaliga tetele a le Pasefika e faia i le atunuu.
Fai mai le Palemia i lana lauga e tulaga lelei tele le sootaga faaleaiga o loo iai ma le Pasefika ma o ituaiga faaaliga faapea e atili faamalosia ai lea sootaga, ma a oo ina malolosi ia sootaga e tele avanoa e maua ai mo nai o tatou tagata.
Na ia saunoa foi ia faaauau pea ona finau malosi ma o le a ia valaau foi i le minisita o tagata Pasefika, Shane Reti e tusa o le mataupu.
Ua faailoa foi i le lipoti se faamatalaga mai le Ofisa Sili o le matāgaluega mo tagata Pasefika, Geraldine Clifford Lidstone e faapea e ui o le faatupeina o faamoemoe faapea e pa’ū tonu ia i latou e tuufaatasia, peitai e iai le avanoa e mafai ona fesoasoani ai le matāgaluega i le faalauteleina o nisi fuafuaga.
Puna o Faamatalaga: https://www.rnz.co.nz/international/pacific-news/557334/for-the-kids-prime-minister-hears-polyfest-funding-plea-what-happens-next
