Ua lipotia le tuuina mai o manatu a leoleo o ē sa galulue i le taimi na faatautaia ai le taaloga a ‘au a Samoa ma Kiwis i le amataga o le vaiaso; e ui na iai nisi sa taofia ma pu’e faapagota i le mae’a ai o le taaloga ae ua faaalia le fiafia tele i le aotelega o tulaga sa iai ‘aulagolago i lea po.
Faamauina e to’alua tagata na pu’e faapagota pe na arrest ma le to’afitu ua tuu iai pepa samania mo le faamasinoga e tali i moliaga o solitulafono e fesoota’i i matāupu tau avetaavale, i se fiafiaga sa faia i le Māngere Town Square.
E faitau afe tagata lagolago o ‘au a le Toa ma le Fetu Samoa sa omai faatasi e faaali lo latou lagolago i sui o le ‘au, molimauina ai le faalealea solo o fu’a – o le tagavai o le atunuu ma faalogoina ai le leotetele o musika i le mae’a ai o taaloga.
Faafetaia e leoleo le to’atele o ‘aulagolago mo le faatino ai o fiafiaga ma le tatau ai, faaaloalo ma le saogalemu.
Puna o Faamatalaga: https://www.newstalkzb.co.nz/news/sport/police-pleased-with-behaviour-of-kiwis-samoa-fans-despite-arrests-post-match/
