Ua faailoa finagalo fiafia o nisi mai le Pasefika agai i le malo ona o le lē faasāina o le faaaogaina o le kava poo le ‘ava i le atunuu e ui ua matuai faamalosia tulafono a Ausetalia e faasā ai takeaway kava atoa ma lona faiga.
O le tausaga na tea nei na malilie ai le Food Standards Australia NZ, le FSANZ ina ia suia le tulaga o le kava i le faatulagana a le faalapotopotoga lea ma o le a faasā ai ona toe aveina atu i Ausetalia ma faamalosia tulafono faasaga i le gaosiaina o le kava.
Na faasā ai loa i Ausetalia peitai o loo faataga pea i Niu Sila ona o loo silasila foi i le tāua o le ‘ava i tulaga faaleaganuu i tagata Pasefika.
Na saunoa ai la se tasi o sui o le Pasefika mai le Iunivesite o Waikato o Dr Apo Aporosa a fiafia i le faaiuga a le malo, ma le amanaiaina o le tāua faaleaganuu o le ‘ava i tagata Pasefika.
