O le tapena atu ai o le faiaoga ma le pulega o le tatou aulakapi liki o le Toa Samoa i le Ipu o le Lalolagi i le masina fou, o le malosi o tama taaalo, ma le maualuga o le tulaga lelei i le faatinoga o le taaloga e o faatasi ma le lava o seleni e faatino ai vaega uma ia.
O le faamoemoe autu lea o le lagolago a le susuga Faimalotoa Allan Stowers ma le pulega o le kamupani o le Pacific Ezy Money Transfer i lana foa’i atoa e 30 afe tala mo le Toa Samoa, ina ia tauleleia le igoa o Samoa ma taunuu i le sini o le faamoemoe o le a tausinio uma iai aulakapi liki, o le fia maua o le siamupini ma umia le Ipu o le lalolagi.
<iframe title=”Faafetai le Pelesetene o le Lakapi Liki ile foai 30 afe a le Pacific Ezy” allowtransparency=”true” height=”150″ width=”100%” style=”border: none; min-width: min(100%, 430px);” scrolling=”no” data-name=”pb-iframe-player” src=”https://www.podbean.com/player-v2/?i=d4yir-12d71d5-pb&from=pb6admin&share=1&download=1&rtl=0&fonts=Arial&skin=666666&font-color=auto&logo_link=none&btn-skin=ff6d00“></iframe>
O le Peresetene o le Lakapi Liki a Samoa.
I le foa’i tupe 30 afe a le Pacific Ezy mo le Toa Samoa, ua faafetaia e le pule o le Pacific Ezy i Samoa le afioga Magele Daniel Ah Kau, le lagolago a ana paaga ma le atunuu i le faaaogaina o lana tautua, ua mafai ai ona faatino lea fesoasoani aua taumafaiga a le Toa Samoa.
O fesoasoani foi faapea a le kamupani ua mafai ai ona fesoasoani i le atiina a’e o taaloga i le atunuu e pei ona sa faatino mo nisi o taamilosaga e pei o le taaloga tapolo o le Big Gold tournament a le Malisi, lagolago i togiga mo aulakapi taitoafitu a le Tepatasi ma le ‘au mai Safotu, aemaise o le lagolago tau tupe i le tatou aulakapi o le Manu Samoa.
