O le feiloaiga a le taitai o le Malo le afioga i le tamaitai Palemia, afioga Fiame Naomi Mataafa, ma le vasega o tusitala i le atunuu mo le faaauauina o galuega masani i se tasi o tiute tāua, o le faailoa o faaiuga fai a le Malo e ala mai i le Kapeneta, na molimoli ai lana faafetai i le tapuaiga a Samoa aoao, a o toesea mo sailiga togafiti i Niu Sila i ni vaiaso ua tuanai.
O faiva uma e tapuaia, na saunoa le Palemia o faiva ia e manuia, ma ua toe faafoisia lona malosi i le soifua maloloina auā le feagai ai ma galuega.
Le afioga i le tamaitai Palemia, afioga Fiame Naomi Mataafa.
