Ua faailoa ai nei e le tatou malo le taunuu mai o le taui tupe e 10 miliona tālā Samoa mai le malo o Niu Sila e auala mai i aafiaga o le si’osi’omaga o le tatou gataifale ona o le manuao o le Manawanui o loo goto i se vaega o le gataifale o le itu i Saute o le motu o Upolu.
O le Aso Gafua ananafi i Samoa na atoa ai le tausaga talu ona tula’i mai lea faalavelave ma ua faamauina le atoa o le tausaga i le faailoa ai e le malo o Niu Sila o lea taui tupe.
Ua faailoa ai e le minisita i lana saunoaga o le tala faatatau autū o le tupe le aofia o lea sefulu miliona i tupe ua fuafuaina mo le Matāgaluega o Puna’oa Faalenatura ma le Si’osi’omaga.
O le Minisita o le Va i Fafo o Niu Sila le afioga Vaovasamanaia Winston Peters na ia faailoa lautele i se pepa o faasalalauga i le amataga o le vaiaso lea taui tau tupe.
