Ua tipoti ese e Amerika sui o kegi mai Venezuela sa iai i lo latou atunuu ma aveina atu i le falepuipui i El Salvador e ui o loo iai se faamasino Amerika o loo tetee i lea gaioiga.

Ua faailoa e le Peresetene o El Salvador Nayib Bukele i le social media e 238 sui o le kegi lea a Venezuela faatasi ai ma sui o leisi kegi ole international MS na tipoti i le taeao ananafi. 

O se poloaiga na faia e se tasi o faamasino amerika ua taofia ai le faigamalo a Trump mai le faatinoina o se tasi o tulafono e faataga ai ona tipoti ia tagata peitai ua faaauau pea lava ona alu faigamalaga ua ave ai ia tagata.

O loo gugulu le toatele i le faaiuga lea a Trump ae foliga mai e le o popole iai aua o lea lava ua faataunuu pea le aveesea o tagata e ui i le poloaiga o loo taatia a le faamasinoga.

Puna o Faamatalaga: https://www.bbc.com/news/articles/cp9yv1gnzyvo