O loo faaauau pea ona alu i luga le tau o loo totogi e tagata mo le kofe ona o aafiaga o maketi i fafo.
O le masina o Iulai na lipotia ai le alu pea i luga o le tau o le kofe ma e mafua lea ona o le pa’ū o le kofe maua e sau ma Vietnam lea e faapea ua sau i lalo i le 20% faapea ai ma faama’i, lologa ma suiga o le tau ua aafia ai maketi i Amerika i Saute.
I le sau ai i Niu Sila o lea o loo maitauina pea le alu i luga o le tau o le ipu kofe e faatau i le tele o vaega o le atunuu ma e faapea o le aluga lava lea o le a iai.
Ae mai le kamupani a le Burton lea o loo faatauina siiatoa mai taga kofe mai maketi i fafo, o Papua Niu Kini lea o loo tele ina faamoemoe iai, ma i la latou molimau o se maketi e lata mai faatusa i le 4 masina lea e tele ina faatali ai le vaa e sau ma uta mai Brazil.
O le aotelega o le lipoti o le tau o le kofe i le lalolagi, e foliga mai o le a faaauau ai pea ona alu i luga.
Puna o Faamatalaga: Global coffee prices rise amid storms, shipping disruptions (1news.co.nz)
