O loo faatalitali nei tagata o loo aumau i le pitonuu o Condobolin i Niu Sa Uelese lava i le taimi e oo atu ai lologa i lo latou faaitu lea ua fautuaina i le aso e le vaaitau o latou lea ua oo atu iai faasologa o tafega o loo aafia ai pea lea itu o le atunuu.
O le faaitu tuaoi o Forbes lea na aafia i le aso ananafi i lologa mai le Lachlan River lea e faapea se faamatalaga ua atili lautele le tafe a le vai ma ua tele foi vaega ua oo atu iai lana tatafe ma faaleagaina uma ai le tele o meatotino a aiga.
O loo iai le vaega o fesoasoani faavavave i lea faaitu mo le ofoina o le fesoasoani pe a manaomia ma sa galulue foi le komiuniti ma i latou ia i le tuuina o taga oneone e tau taofiofi ai le sao atu o le vai i totonu o fale ma pisinisi.
O loo lolovaia pea lava foi Forbes i le taimi nei ae ua tau maui teisi. Ua faafetaia e le sui komesina o le SES Sean Kearns tagata i lea komiuniti i le latou usitaia o faatonuga mo le agai ese mai a o aafia ai o latou lotoifale i le tetele o lologa.
