O loo faaauau le aafia se’ia oo mai i le asō o faigamalaga a vaa feoa’i i le sami a le Cook Strait ona o le malolosi o galu.
O lea ua sau le faasilasilaga mai le Interislander ua taofia lē tumau uma femalagaa’iga a vaa na amata mai i le aso ananafi, ma o lea ua faalēaogāina faigamalaga ua mae’a faatulaga.
E lē gata ai o le Interislander ae faapea foi le Bluebridge lea ua leai uma ni malaga o le asō ma o lea foi na amata aafia mai ananafi.
Ae mai pasese i lipoti a le Stuff, o nisi ua toe molimau i le faanoanoa tele i kamupani vaa ona o le faatuai ona logo mai i latou i suiga faatatope ua iai nei.
I lipoti ua tuuina mai i le taeao nei, e ono faaauau atu ai i le aso a taeao faigamalaga lē taunuu ona o le malolosi o galu.
Puna o Faamatalaga: Cook Strait ferry crossings stopped as relentless southerlies continue | Stuff
