Ua fautuaina le faitau miliona o tagata i le itu i Sasae o Ausetalia ina ia faatalitalia tulaga auaoa o le tau i le asō.
O le taeao analeila na faailoa mai ai e le Vaaitau se lapata’iga o uiga loulouā o le tau i NSW o loo fautuaina ai matagi malolosi e amata mai Kempsey i le itu i Saute o Sini.
O faititili ua ta’ua o le a faalogoina foi faapea timuga i le tele o vaega o Sini seia oo lava i le Aso Sa o muamua.
O timu to faata’uta’u foi ua fautuaina ai tagata ma o le a faasolo i le vaivai i le aga’i atu i le afiafi.
E lapata’ia foi isi faaitu o Sini i lologa faafuase’i aemaise i pitonuu e pei o le Hunter ma le Mid North Coast e mātele i le aoauli o le aso e faasolo atu i le afiafi.
Ua lapata’ia foi tagata o le a mamafa timuga i le itu i Matu o Sini ma fautuaina ia alofia le soona feoa’i i taavale pe a lē mana’omia, aemaise o le savalia o le alatele ona o le faaeteetega i ni lologa.
Puna o Faamatalaga: https://amp.9news.com.au/article/14561282-4880-4f47-81e0-bf355388b1fa
