Ua faamaonia e le Kapeneta le toe tofia o le afioga Tuala Tamaalelagi Siaki Tuala, e faaauau lana tautua i le tofiga o le Ofisa Sili o Pulega e Faafoeina Kasino ma Taaloga Faitupe Eseese (Gambling Control Authority – G.C.A.).
Ua iva (9) tausaga sosoo o tauaveina pea e le afioga Tuala lenei tofiga tāua a le Malo.
O afioga ia Tuala ua telē lona silafia i le faatinoga o le auaunaga, ma ua loa foi lona sao e ala i auala eseese e siitia maualuga ai le tautua a le Pulega e Faafoeina Kasino ma Taaloga Faitupe Eseese i le atunuu.
O loo ia umia faailoga taualoa o le Master in Business Administration, o le Tipiloma in Legal Practice ma le Bachelor of Law ma le Arts e faapitoa lava i le Political Science.
E tolu tausaga le umi o lenei tofiga.
