O loo faatino nei galuega lavea’i i luga o le mauga aupito maualuga i le lalolagi, Mauga o Everest ona e oo i le afe tagata na poloka ai ina ua aafia le mauga i se afā aisa, snowstorm.
Fai mai le BBC e lata i le afe tagata i nofoaga o campsites i luga o le mauga na aafia ma ua faao’o atu le ‘au galulue lavea’i e taumafai e faamama ese le aisa ua tanumia ai nofoaga sa iai ia tagata ma laveaiina ane i latou.
Faamaonia e le ‘au faasalalau pe a ma le 350 tagata ua mae’a lavea’ina ane ma o loo saogalemu.
O le afiafi o le Aso Faraile na te’a nei na amata to’ulu ai le ‘aisa (snow) i le mauga ma faateteleina ai i isi nofoaga e pei ona to’atele le au a’e mauga ma le au tafafao e agai iai.
Fai mai e le masani ai lea ituaiga tau i le mauga i le taimi faapenei peitai e foliga ua faafuaseia foi suiga o le tau. O Mt Everest ei le tuaoi o Nepal ma Saina ma e toatele tagata e taumafai e aea lea mauga i tausaga taitasi.
Puna o Faamatalaga: https://www.bbc.com/news/articles/cj4ykkgxqwko
