Ua atili tulalata i le taimi o le faigāpalota a Niu Sila ma o loo tau fai finau lava foi le vaega faaupufai ia i auala e faaleleia atili ai le atunuu pe afai ae tulai mai i le foe.
Na pisi le faaiuga o le vaiaso i polokalame ma fuafuaga a vaega faaupufai taitasi.
O ananafi na faalauiloa ai e le Leipa o le a faamalosia le a’oa’oina o tomai i tulaga tau tupe i aoga.
Na saunoa ai le latou sooupu o le taua lea faiga ina ia malamalama talavou i le faafoeina lelei o tupe ma ia aua nei soona iai ni aitalafu tetele e feagai ma latou i le lumanai.
O se taumafaiga o loo lagolago iai le National.
O isi faiga faavae a le Leipa e aofia ai le faatulaga o se siitaga i le lafoga totogi mo le penisini i le 12 sene i le lita i totonu o le tolu tausaga sa teena malosi e le National.
O le masina o Oketopa lea ua faatulaga mo le faigāpalota.
