Ua faaataata mai e le malo fesoasoani tau tupe e aotau ai fanau aoga o loo aooga faafomai, faapea fesoasoani mo tausi soifua.

A o utiuti ai tagata galulue i le soifua maloloina, ua saunoa le minisita o le matagaluega o lea ua vaavaai le malo i le ono iai o se isi auala e saga unaia ai tagata galulue i totonu lava ia o Niu Sila.

I le faatalanoaga ma le 1News na saunoa ai Ayesha Verrall e le mafai  ona faamoemoe tasi i tagata galulue mo le soifua maloloina mai atunuu i fafo.

O le taugata o aoga faafomai ma le tau e totogi i feoaiga, o le isi luitau tele lena o loo ui ai i latou o loo fia avea ma fomai, ma o loo molimauina foi le pa’ū o le fuainumera o tagata faauu mai aoga faafomai.

E ui la e lei manino mai i saunoaga a le minisita se taimi ae pe taunuu foi, ae pau le itu na tautino ai Ayesha e le faigofie ma taugofie le tau e totogi mo aoga nei ma o lea foi na ui mai ai.