O le venom poo le sua oona mai se tasi o spider aupito mata’utia i Ausetalia e ono avea o le ki i le togafitiga o osofa’iga i le fatu poo le heart attack ma isi gasegase e aafia ai.
O le lipoti a le 9News i le asō ua faailoa ai mai su’esu’ega sa faatino ua iloa ai lea tulaga ma o le ausu’esu’e mai le Iinivesite a Kuiniselani ua o latou mauaina lea tulaga ma taumafai e faaaogā e faalautele ai se vailaau mo togafitiga e ono faasao ai le faitau afe o soifua i tausaga ta’itasi.
O le faigamalo a Ausetalia ua o latou tuuina foi le $17.6 miliona mo le faatupeina o lea poloketi ua faaigoa The Heart Rehab Clinical Trials ma e lē o toe mamao ona amatalia lea o faata’ita’iga i le togafitia o le fatu mai lea vailaau.
O le heart attack o le mafuaaga aupito taatele lea o tagata maliliu i Ausetalia ma o tausaga ta’itasi e oo i le silia ma le 55 afe tagata e aafia i le fatu oso ae pe ā ma le 7 afe tagata e maliliu ai mai ia gasegase.
Puna o Faamatalaga: https://www.9news.com.au/national/funnel-web-spider-venom-used-to-develop-breakthrough-drug-for-heart-attack-and-transplant-patients/03a3ca8d-334b-4122-ad9a-9716666fa161
