Faaalu le $20 miliona i fafo e faatau mai ai pasi e alu i le eletise 

Ua lē fiafia le kamupani o loo fauina pasi i totonu o le atunuu i le alu o le $20 miliona a le malo i se tasi o pisinisi i atunuu i fafo e faatau mai ai pasi. 

O le vaega tupe lea o loo ave e le New Zealand Green Investment Fund agai i se tasi pisinisi i Peretania e fau mai ai pasi e 18 e alu i le eletise. 
Ua lē fiafia ai ma le Global Bus Ventures i le ave o le lagolago a le malo i fafo ae e le atia’e ai pisinisi i totonu o Niu Sila. 

Ua ta’ua ai foi, a faatusa le mamafa o pasi nei mai Peretania ma pasi o loo fau i totonu o Niu Sila, e mamafa atu pasi mai fafo ma o lona uiga e aumai foi toe totogi le pemita taugata atu mo taavale nei e mamafa. 

Ua sau ai foi ma le fesili pe faamata o faamalieina e pasi nei mai fafo ta’iala e tatau ona faamalieina i le lelei atoatoa o pasi. 

E ui la i le lē fiafia o pulega o loo mafai ona faia nei pasi i Niu Sila, mai le Bus and Coaches Association o loo ia lagolagoina le faai’uga a le malo ona o se maketi o lea faato’ā tau amata i totonu o Niu Sila.