O le Aso Sa nei ua lipotia e tapunia ai le avanoa e faaalia ai finagalo o tagata Aukilani e faatatau i le Fuafuaga Faaletausaga mo le aai poo le latou Auckland Annual Plan 2026/2027.
Ua faamanatu ane e se tasi o sui o le council i se faatalanoaga ma le RNZ, saunoa ai le councillor mai Manukau Ward, Lotu Fuli, o faatalanoaga e ui e tuuina ai le avanoa i tagata Aukilani e faaali ai o latou finagalo i le matāupu lea, peita’i e tele komiuniti e lē o auai ai, ae o fuafuaga nei e faatulaga ai le vaaiga ia Aukilani atoa i le aga’i atu i le lumana’i.
O le avanoa la lea e pei ona saunoa Fuli, mai lava i talavou se’i oo lava i le aumatutua e faaleo ai o latou finagalo auā o le fuafuaga lea e faataatia ane ai mea o le a faaalu ai e le Council tupe mo le isi tausaga o le a sosoo mai.
Ta’ua e Fuli e mafai ona e aga’i i le library poo luga foi o upega tafa’ilagi e faailoa ai sou finagalo a o le’i tapunia le avanoa i le Aso Sa nei.
Puna o Faamatalaga: https://www.rnz.co.nz/news/national/590768/final-days-to-have-a-say-on-auckland-s-annual-plan
