E 500 miliona se vaegatupe ua faatulaga ane mo le faaleleia o le tele o faaletonu i luga o auala i Niu Sa Uelese e pei ona folafola i le vaiaso nei e le faigamalo a le setete.

O le ‘afa piliona lea o le a vaevaeina tai 220 miliona mo auala a le metro, 280 miliona mo galuega faaleleia i isi nofoaga maotua.

Fai mai le minisita o auala Sam Farraway o Councils poo pulega a aai o le a mafai ona talosaga mo ia fesoasoani e faatupe ai poloketi e faaleleia ai auala. 

Fai mai o le a fua lava foi le fesoasoani e faamatuu mai i le telē o le auala o loo talosaga ai ma o le faamoemoe ia taunuu manuia faigamalaga a tagata, faipisinisi, aiga, faifaatoaga ma soo se tagata e latou te faaaogaina le alatele.