I tala mai le Radio NZ Pacific ua faamaonia mai ai le taliaina aloaia o se tasi o alo o Samoa, Tooletai David Tua ile Florida Boxing Hall of Fame Class of 2022. Faamaonia mai I le lipoti o le sauniga na faataunuu ai lea faamoemoe sa faia I luga o upega tafailagi ile faaiuga o le vaiaso.
O le faamoemoe o le boxing hall of fame ina ia faataua ma amanaia le sao o I latou sa avea ma tama fusu aemaise I latou na iai sao ile taaloga o le fusuaga. E iai aiaiga e pei ona faatulaga ma sei vagana ua ausia uma ia aiaiga ona faatoa mafai lea ona taliaina aloaia I le hall of fame.
O nisi o nei aiaiga e aofia ai le tatau ona faatolu ona manumalo ini tausinioga sinia , manumaloina ni national titles pe faalua pe sili atu ma tatau foi ona sa tausinio ile a ititi mai o le 5 o faamoemoe o main events poo fusuaga autu I le tulaga faapolofesa.
