E fa suiga ua faia e le faiaoga o le All Blacks i lana au a o lumanai ai le fetauiga ma le au a le Wallabies i le vaiaso nei.
O Shannon Frizell o loo manua ma Ardie Savea o loo tuatuagia ua faia ai suiga e Ian Foster, o le a agai ane ai Brodie Retallick i le loka, faasee ane Scott Barrett i le numera 6, Hoskins Sotutu o le a suitulaga ia Savea. O le faaleoleo o le a see ane iai Akira Ioane ae leai se suiga i le laina i tua.
O le au la ua faatulaga mo le taaloga i le Aso Tofi nei i Meleponee aofia ai Ethan de Groot, Samisoni Taukeiaho, Tyrel Lomax, Brodie Retallick, Sam Whitelock, Scott Barrett, Sam Cane o le kapeteni, Hoskins Sotutu, Aaron Smith, Richie Mounga, Caleb Clarke, David Havili, Rieko Ioane, Will Jordan ma Jordie Barrett.
Faaleoleo o Dane Coles, George Bower, Fletcher Newell, Akira Ioane, Dalton Papalii, Finlay Christie, Beauden Barrett ma Quin Tupaea.
O le uluai taaloga lea o le Bledisloe Cup 2022.
