Fai mai le Palemia o Peretania, Kier Starmer e solia lava e Lusia le maliega o le filemu ma Ukraine pe afai e lē puipuia.
Ua faia lea faamatalaga a le Palemia i le fonotaga a ta’ita’i sinia faamiliteli sa faia i Lonetona.
Fai mai le Palemia o ni maliega e taofia ai le taua i le va o Lusia ma Ukraine e faato’ā umi ona aogā pe afai e faatulaga ni aiaiga tau le puipuiga.
E silia ma le 20 atunuu o loo iai o latou sui i lea fonotaga e faatalanoa ai fuafuaga mo ni vaega’au i totonu o Ukraine e fesoasoani i le puipuiga o le atunuu i lalo o le maliega lea o le filemu.
Fai mai Starmer o le faatulaga o puipuiga i le maliega lea o le a faamanino atu ai ia Lusia e iai aafiaga ogaoga o latou pe a solia aiaiga o le maliega.
O le maliega o le filemu na fesoasoani ai Amerika ua malilie uma iai itu e lua e taofia vevesi mo le taimi nei i le mae’a o le 3 tausaga o faia pea le taua.
Puna o Faamatalaga: https://www.bbc.com/news/articles/cwyd0v3344qo
