O loo iai se mataupu o loo luga lalo ai finagalo faaalia o sui a faipule o le Palemene a Ausetalia i le vaiaso nei, e faatatau lea i le toe aumaia i Ausetalia o taitoalua ma fanau a i latou sa tau mo le vaega a le ISIS.
O le asō ua saunoa ai Bill Shorten, sui o le Leipa e lagolago i le faia o lea tulaga ina ia toe aumaia i latou ia mai Suria.
Pe a ma le 20 tamaitai ma le 40 o tamaiti o loo taofia nei i camps i Suria talu mai le faatoilaloina o le ISIS i le 2019.
Fai mai Shorten o loo malamalama le malo i tulaga tau le puipuiga o le atunuu e pei ona popole iai le toatele ae e ao foi ona silafia le popolega o loo iai mo le ola lelei o nai fanau o loo aofia i le mataupu lenei.
O le toatele o i latou o loo taofia i camps ia e mai Ausetalia nei ae o le toatele o loo faailoa mai sa ave faamalosia i latou e lei loto iai.
