O le faai’uga o le masina nei lea ua fuafua e tulai ai i le faamasinoga le tamaitai mai Kalaiesetete lea ua molia e leoleo i le lē vaaia lelei o tamaiti, tetee i leoleo ma le umia o se laau o le mariuana.
E faapea se faamatalaga o le vaega o fesoasoani faavavave na tali ane ina ua e’ē le faailo o se afi smoke alarm i le fale i Eureka St i Aranui i le po o le Aso Lua o le vaiaso nei.
Na maua atu i totonu o le fale lea ni tamaiti se toalua ua tuu ai na o laua, e lē o faailoa i le lipoti le matutua o tamaiti ae na aveesea mai ai loa e le aufaigaluega a o lei sasao ane se afi i le fale ma e lei afaina.
Ua faafetaia e leoleo tuaoi ma le fesoasoani i le valaauina o se fesoasoani ma taofia ai le tulai mai o se faalavelave ogaoga.
O le tamaitai ua molia e 35 tausaga le matua ua faatulaga e tulai i le faamasinoga i le aso 31 o le masina nei.
Puna o Faamatalaga: https://www.1news.co.nz/2024/07/11/woman-charged-after-children-rescued-from-smoke-logged-chch-home
