E to’alima tagata ua pu’eina e leoleo a le atunuu o Ecuador ona o lo latou aofia ai i le taupulepule e fasioti le alii Pelesetene o Daniel Noboa.
O se saunoaga lea mai le Minisita o Malosiaga na faia i le CNN ma ua faailoa ai o le taavale a le alii Pelesetene na si’o e se kulupu o tagata pe ā ma le 500 na o latou tau’ai ane maa i le taavale a o ui atu i le itumalo o Canar lea sa fuafua e faalauiloa ai nisi o poloketi a le malo.
Ua ta’ua na maua faamaoniga o pulufana na faaleagaina ai le taavale ae e le’i aafia le soifua o le Pelesetene.
O le video la ua agiga i nisi o upega tafa’ilagi o loo iloa atu ai le taimi na tupu ai le faalavelave lea ma le to’atele na laga ane e taumafai e faaleaga le sa o le alii Pelesetene.
O le faamatalaga mai leoleo o i latou ua pu’eina o le a feagai ma moliaga o le taupulepule e fasioti ma moliaga o faiga faatupu faalavelave.
E māfua mai le lē fiafia o le to’atele ina ua folafola e le malo o le a aveese le subsidy poo le fesoasoani sa tuuina mo le kiso ae faaagaga tupe mo isi polokalame.
Puna o Faamatalaga: https://edition.cnn.com/2025/10/07/americas/ecuador-president-noboa-assassination-attempt-latam-intl
