O le ta’ita’i o se tasi o kegi tele i Ecuador e aofia i matāupu tau fualaau faasāina, ua pu’eina nei e pei ona faamaonia e le Peresetene o le atunuu, Daniel Noboa.
O le alii e suafa ia Wilmer Pipo Chavarria sa ta’ita’ia le kegi a le Los Lobos ae na taofia i le aai o Malaga e pei ona lipotia e leoleo mai Spain.
Fai mai le Peresetene o Ecuador, o le alii lea o Chavarria na lafilafi solo i Europa ma faasesē tagata fai mai ua maliu ae o loo ia faatonutonua uma gaioiga a le kegi e lē gata i totonu lava o Ecuador ae o gaioiga faasolitulafono i maina ma le fasiotia o tagata.
O le 2021 na faailoa ane ai e lona aiga ua maliu i le koviti peita’i e lē moni ia faamatalaga.
O le kegi lea a le Los Lobos pe ā ma le 8 afe ona sui auai ma o se tasi o kegi tele faasolitulafono i totonu o Ecuador, fai mai le latou minisita o John Reimberg, o le pu’eina o Chavarria o se aso tāua i le talafaasolopito o le lalolagi.
Puna o Faamatalaga: https://www.bbc.com/news/articles/c93dz9zly83o
