Ua faailoa mai e le atunuu o Ecuador o le taavale na feavea’i ai le alii Peresetene o Daniel Noboa ma nisi o sui faavaomalo na osofa’ia i le itumalo o Imbabura i le Aso Sa i faigā solotetee sa faatino ai e māfua i le tau o le penisini.
O le lē mautonu ma vevesi o loo tula’i mai i lea atunuu ua atoa ai nei le valu o aso ua amata lava ona faateteleina ma oo i se tulaga lē manuia.
Fai mai le CNN na māfua ina ua faailoa e le malo o le a faamuta le subsidy poo le fesoasoani mo le kiso e faaitiitia ai le tupe faaalu faalaua’itele aemaise o le taofia o le ave faasolitulafono ane o le fuel i le atunuu ma o le a mafai ai foi ona faaavanoa tupe mo polokalame tau le soifuaga i aso ta’itasi.
O i tonu na o ane ai le autetee i le itumalo lea ma poloka alatele ma vevesi ai ma sekulati.
Fai mai na osofa’ia ai tagata faaaogā ai meafaapāpā, pomu penisini ma maa aemaise i nai tagata na aga’i ane e kiliva fesoasoani.
Sa aofia ai la ma le taavale lea na ave atu ai sui faavaomalo na aga’i atu i lea faaitu e iai le ofisa o le atunuu o Italia.
E to’atasi le tagata ua lipotia na maliu ai i ia vesiga a o talitali se faamatalaga mai atunuu na aofia o latou sui i lea faigāmalaga aemaise o se faamatalaga aloa’ia a le malo Ecuador poo le ā se tali i le tetee ua faatino ane e tagata mai lea itumalo.
Puna o Faamatalaga: https://edition.cnn.com/2025/09/29/americas/ecuador-convoy-attacked-president-noboa-latam-intl
