Ua toe ta’utino se tasi o pulega o loo i totonu o le li’o o pulega e tolu o loo gafa ma mea’ai o loo tufatufa i fanau a’oga, e lē o faigofie sini o loo taumafai e ausia.
O ta’utinoga nei a le pule o le Compass Group i le Checkpoint, ma latou le isi kamupani e tolu iai kamupani o loo gafa ma le School Lunch Collective.
O mea’ai nei a fanau a’oga na amata lava a’oga ma suiga fou o le polokalame i le tausaga lenei e le’i misi se vaiaso ma faitioga, ma ua toe faailoa e le pule o le Compass o lea ua amata tulimata’i le tele o mea’ai totoe mai a’oga ta’itasi, ma toe faasoa atu faamatalaga nei i le matāgaluega o a’oga.
E lē o mafai ona iloa se atoaga o mea’ai totoe, ae i se tasi o imeli na tuuina atu i le matāgaluega o a’oga o loo ta’ua ai e tusa ma le 50% mea’ai lafoa’i o loo faamauina mai a’oga i Sisifo o Aukilani.
E ese mai le tuai o mea’ai i a’oga, o lea foi na toe ta’utino le Compass e lē faamaonia poo ni mea’ai halal lea na ave i nisi o a’oga.
Fai mai le Compass o loo taumafai lava ia aga’i i luma le auaunaga, peitai e foliga mai e lē o lava.
E 443 a’oga nei o loo fafagaina e le Lunch Collective mo le 125,000 o fanau a’oga.
Puna o Faamatalaga: School lunch provider’s boss says it’s ‘mission critical’ to meet KPIs | RNZ News
