Ua tetee tausi soifua o loo i primary healthcare ia malo la latou finau ia totogi tutusa ma tausi soifua o loo galulue i falemai.
E tele vaega eseese o Niu Sila o lea sa faia ai solo tetee nei, ma e faitau afe na tetee mo le 4 itula ananafi.
O tausi soifua mai le primary health care ma Plunket o loo tuufaatasia lea tetee ona e oo atu i le 20% e maualalo ai o latou totogi faatusa i tausi soifua o loo galulue i falemai, a o tausi soifua Maori e 25% e eseese ai.
Fai mai Tracey Morgan o le Kolisi o Primary Health Care Nurses e tatau ona sau mai le malo tupe e faatupe ai le eseesega o totogi.
E tusa ma le 30 tausi soifua na tutu i magaala i Rotorua ma e faapea o le toatele o le komiuniti lea na lagolagoina i latou nei e ese ai le isi toatele na faaalia lava lo latou loto faatasi e faatalosaga le feau lava lenei e tasi mai soo se aai o Niu Sila.
