A o iloilo e le komisi faapitoa auala na faafetaia’i ai e le malo le Koviti i le taimi na sau ai, o loo iai moomooga o se tasi o taitai Pasefika e talosia ae tuu atu iai ma tagata Pasefika.
O lea ua faailoa mai e le Palemia Jacinda Ardern le komisi o loo taitaia lea e le polofesa ia Tony Blakely o ia o se tagata suesue faapitoa o loo galue i le iunivesite i Melepone i Ausetalia faatasi ai ma nisi o komesina se toalua.
Mai ia Debbie Sorensen o le pule sili o le Pasifika Futures o loo manao ia oo le iloiloga a le komisi i aafiaga na iai tagata Pasefika i taimi amata o le faamai, e pei o lea lava sa faia lava e i latou taiala mo latou i le amatamataga e ui o le toatele o tagata Pasefika e galulue i totonu o nofoaga faanofoesea, malaevaalele faapea isi galuega e faafesagai ai ma tagata.
E molimau Debbie e lei faigofie i aiga Pasefika ma e tāua ai i le komisi ona tagatagai i komiuniti taitasi ma ona aafiaga ina ia fua iai itu e moomia ona faaleleia mo le agai i le lumanai.
Ae o se ripoti lata mai ua iai nei le komisi, o lea ua iai le 75 ripoti ae pe a ma le 1,700 fautuaga i itu e moomia ona faaleleia o loo sau ma ia ripoti.
O le auga ma le faamoemoe o le komisi ia lava tapena Niu Sila mo se isi faamai i le lumanai.
